24 Following
amrhosny54943

amrhosny54943

Currently reading

صور من حياة الصحابة - المجلد الأول
عبد الرحمن رأفت الباشا

الفيل الأزرق al Fil al Azraq / The Blue Elephant

الفيل الأزرق al Fil al Azraq / The Blue Elephant - أحمد مراد Ahmad Murad امبارح كنت عايز ادخل سينما وصاحبي كان مصمم يخش الفيل الازرق وانا مش عايز كان قلبي حاسس ان الفيلم والرواية مش هيعجبونى وملهموش تلاتين لازمة وعشان كدا مشترتش الرواية , واقنعته ودخلنا فيلم
The Purge

خرج من الفيلم بيسب ويشتم ويقولى مش الفيل الازرق كان احسن , وانا أقول لأ بردو مش هخش أم الفيل الازرق, بعد ما قرأت الرواية الحمد الله انى مدخلتش الفيلم وإلا كان صاحبي زمانى سايبه الساعة التلاتة الصبح فى رملة بولاق وهما كانوا قاموا بالواجب .


لقيت نقد لاحمد مراد ان الرواية مسروقة من فيلم والرجل انتقد الرواية فى حاجات كتير , استنيت لم قرأت الرواية, وقرات بعدها النقد ولقيت الرجل بيتكلم كلام منطقى, واحمد مراد رد رد ملوش اى لازمة وقال اذا جاءكم فاسق بنبأ وأن الفكرة جاءت لاحمد مراد من كتاب الجبرتي وجاب الفقرة من كتاب الجبرتي !!!!!!

يا سلام يعنى انا مش فاهم هو لازم يسرق الفيلم بالنص ... ده يبقى ترجمة مش سرقة, الموضوع كله فكرة انقلها وبعد كدا اقدر ابنى عليها شوية أكشن ومخدرات وجنس تبقى رواية, وبعدين احمد مراد مردش على اى حاجة تانية الراجل انتقده فيها ..

أنا كنت عايز اتكلم كتير فى الريفيو عن ليه الرواية باعتبرها سيئة وسيئة جدا كمان , لكن الصراحة لقيت كل الى عايز اقوله فى ريفيوهات اصدقائي فما ملوش لازمة التكرار , وبعدين مش عايز احرق الرواية عشان لو حد عايز يتفرج على الفيلم او يقرأ الرواية.

انا كنت عايز بس انتقد حاجة بسيطة :

كنت عايز انتقد اقتباسه لأيات قرأنيه فى غير مواضعها
انتقد طريقة الكلام على الله فى نهاية الرواية

انتقد تشبيه ووصفه بحب اوي لانواع المخدرات والخمرا وارتياحه للتبول , موسوعة قذرة الصراحة

انتقد التيمات المسروقة من الافلام الاجنبية
انتقد كثرة الالفاظ الاجنبية ملهاش تلاتين لازمة

انتقد التفاصيل , تفاصيل رغي , يعنى اقرأ وصف لحلم فى بتاع عشرمائة صفحة ليييه
ووصف لتلات فهود بيأكلوا جاموسة فى صفحتين

انتقد طبعا الحبكة , وفكرة الرواية ونهاية الرواية وابو ام الرواية

انتقد اللغة لدرجة انه يقولك فشخ كتفي..ودماغي اتفشخت.

انا ممكن قعد اقراها تانى وممكن الاقى تناقضات اكتر , لكن مش هضيع وقتى تانى عليها محروقة اصلا الرواية

بعض الريفيوهات التى قالت كل ما نفسي
ولكن الريفيوهات حاكية القصة والنهاية المفاجأة الى فى اخر الرواية
فالى عايز يقرأ الرواية , ممكن يقرأ الريفيوهات بعدها عشان ميحرقش عليه المفاجاة, عشان يتحرق دمه بس شوية ولا احنا بس يتحرق دمنا :)

ريفيو الصديق محمد العربي

ريفيو الصديق أحمد الديب

ريفيو الصديقة مى

ريفيو الصديق نزار