24 Following
amrhosny54943

amrhosny54943

Currently reading

صور من حياة الصحابة - المجلد الأول
عبد الرحمن رأفت الباشا

شيكاجو

شيكاجو - علاء الأسواني, Alaa Al Aswany رواية جنسية قذرة بمعنى الكلمة كل الابطال امريكان مصريين كل همهم الجنس وكمان علاء الاسوانى كل هدفه فى الرواية انه بيبين ليك اى اى حد كان بيصلى فى الرواية هوا اصلا زبالة وده الامثلة..

1- احمد دنانه يصلى وملتزم يبقى زباله عميل امن دوله بينافق الحاكم بيزور فى الابحاث احمد ده قال ان الاسلام بيقول ان امريكا دار كفر فيسرقها وان الاسلام بيقول ان حرام تنتقد الحاكم وواجب طاعته ومعاه طبعا فى الرأى ده الطالب الملتحى.. وانه عايز من اهل مراته فلوس عشان يطلقها..شخصية زبالة من الاخر

2- طارق بيقولك ان من عاداته اليوميه يتفرج على مصارعة وفيلم جنسي ويمارس العادة السرية وبعدين يصلى العشاء والشفع والوتر...يعنى مش العشاء بس لأ والسنن كمان.. وكمان بيقول الذكر الى كان بيقوله النبى قبل ما ينام على جنبه اليمين يعنى يصلى وسنن وذكر قبل النوم ويبقى من عاداته انه يتفرج على افلام جنسية وعادة سرية كل يوم..مش كل أسبوع !!!!!!!!

طيب ممكن ان الواحد يكون بيصلى ويغلط او يعمل ذنب كلنا خطائون وممكن الشهوة تغلبه يتفرج على افلام اباحية لكن تبقى عادة يوميه!!. وبعدين لما حب شيماء وعمل كل حاجة معاها إلا اخر حاجة ويقولك فيه حديث ان ربنا بيغفر كل شئ ما دون الزنا!!!! يعنى ربنا يغفر اونت كل يوم بتعمل كا حاجة حرام مع حبيبتك ومش بتوب او مش زعلان طيب مش ناوي حتى تبطل لأ مبسوط

.. اولا ربنا ان شاء الله بيغفر كل الذنوب ما دون الشرك مش ما دون الزنا ..عشان التوبة يعنى عشان لو حد حتى عمل اى كبيره ميقنطش من رحمه ربنا فربنا بيقول يغفر لمن يشاء عشان يحفز الناس انها تتوب ومن شروط التوبه ابطل اعمل الذنب ولو عملته تانى اتوب تانى عشان ربنا غفور مش اقول بيفغر كل شئ وكل يوم اعمل كا حاجة مع شيماء حرام وقبلها كنت كل يوم افلام اباحية...

3- شيماء متدينة وبتصلى وخمار وقصة .. طيب الحوار اللى اعدت تتخيله ان لو الزنا حرام ليه ربنا مش بيعاقب الناس فى امريكا.. وان فيه صاحباتها عملوا كل حاجة قبل الجواز واتجوزوا وهيا المحترمة متجوزتش....ولما عملت مع طارق كل الحرام الا حاجة واحدة.. كل اللى همها انها بتقوله انتا مبقتش تحترمنى ومش هتتجوزنى..

وبعدين طارق قالها ربنا بيفغر كل شئ الا الزنا... وكل اللى عملتيه ده حلال يعنى اذا كان ربنا أمرنا بغض البصر بيقى البوس وكل الحاجات ده حلال يعنى ... وقالك على فكره الجواز زمان من غير توثيق ..ماشى ويجوز دلوقتى لكن بشروط مش الطيور بتشهد علينا والجو بتاع افلام عادل امام ده..

4- الدكتور بلبع المسلم مدير الدكتور دوس المسيحي طلع فى كلمتين اول حاجة انه بيصلى العصر وبعد ما صلى على طول قام مضهد القبطى وظلمه ...فين يا علاء يا اسوانى ده فى الاسلام ...

طيب يا جماعة مين مسلم كويس فى نظر علاء الاسوانى.. الثورى ناجى عبد الصمد اللى بيقولك انا مش متزمت فبشرب خمرا الى بيمارس الجنس براحته..يبقى ثورى وضد الطغيان لكن واحد بيصلى يبقا يحرم الخروج على الحاكم وزبالة ...وطبعا مين الكويس التانى كرم دوس القبطى اللى اتظلم واللى شاف الصليب فقرر يعالج دكتور بلبع اللى ظلمه وهو صغير... لما شاف الصليب قرر يعالج اللى ظلمه فى مصر وكان سبب هجرته طيب مفيش واحد مسلم بيصلى شاف القرأن وعمل حاجة صح يا اسوانى ..

طيب هات نموذج واحد اسلامى كويس واحد بس زى القبطى اللى انتا جبته كل اللى بيصلوا ويعرفوا ربنا وحشين وزباله ده غير دكتور جراهام الامريكي اللى مش مؤمن بربنا اصلا وملحد وثورى ومناضل وهو اللى وافق ناجى يدرس فى امريكا..

المفروض أنه بيقى محايد يقول ان مش كل الملتحين وحشين ومش كلهم بيحرموا الخروج على الحاكم بدليل ثورة 25 يناير ونزول الاسلاميين اكيد فيه منهم وحشين لكن مش كلهم وحش وعملاء كل اللى بيصلوا زباله .. فيه ناس بتصلى وحراميه بس مش كلهم واه نسيت اقولك الفكر الوهابى اللى بيحرم الخروج على الحاكم حزب النور وياسر برهامى اللى قال مش نازل 25 يناير هوه دلوقتى اللى بيأيدك وبيأيد ثورة 30 يونيه ومعاه على جمعه واحمد الطيب فاكرهم اللى حرموا الخروج على الحاكم ...والسعودية اللى اخترعت الوهابية اللى مضايقة البطلة الثورية بتاعتك زينب وناجى عبد الصمد ابقى اعمل رواية بقى سميها جده او الرياض قول ان الفكر الوهابى حلو...

ده غير طبعا ان الاسوانى كل اللى همه الجنس رواية جنسية بشكل قبيح كأن الناس كلها مش هامها غير الجنس وبس ..كاتب رواية كل ابطالها نفسهم فى الجنس لدرجة ان الزبالة الاسوانى بيقول ان فيه من ضمن زوجات المعتقلين بيبقوا محرومين جنسياً وعشان هما ضعفاء لما ازواجهم اتسجنوا فبيمارسوا الجنس مع صفوت شاكر اللى اعتقل ازواجهم وبيحسوا بنشوى عشان ظابط مهم عايزهم.. حاجة مقرفة الصراحة رواية قذرة بمعنى الكلمة ...