24 Following
amrhosny54943

amrhosny54943

Currently reading

صور من حياة الصحابة - المجلد الأول
عبد الرحمن رأفت الباشا

اقتصاديات الفساد في مصر: كيف جرى إفساد مصر والمصريين

اقتصاديات الفساد في مصر: كيف جرى إفساد مصر والمصريين - عبد الخالق فاروق, محمد رءوف حامد, نادر فرجاني
كتاب جيد وقيم وكان يستحق تقييم أعلى لكن انا قيمته ثلاث نجوم لسببين
:

السبب الاول:
الكاتب المفروض أنه بيتكلم عن كيف جرى الافساد واهدار المال العام فى مصر السادات ومبارك فقط ولم يذكر شيئأ عن الفترة الناصرية...

لم يحكى لنا كيف تم اهدار المال العام فى الفترة الناصرية يعنى يحكي لنا مثلا كيف تمت سرقة مجوهرات وقصور الاسرة المالكة من مجموعة من الظباط الاحرار سرقوااكتر من نصفها...

ولم يحكى لنا عن تأميم الشركات والمصانع وازاى ظابط مش فاهم اى حاجة فى الصناعة يبقى مدير مصنع وطبعاً المصنع يخسر مش مهم ..

وكمان ممكن الظابط يكون رئيس المجلس الأعلى للأداب كما ذكر توفيق الحكيم فى كتابه عودة الوعي

الكاتب بيتكلم عن فساد الصحفيين ولم يتكلم عن هيكل وعن مصطفى امين وأحمد سعيد الى يعتبروا من اهم مؤسسين الاعلام المنافق الفاسد المستمر الى الان

وتكلم الكاتب عن كيف تم افساد القضاء ولم يتكلم عن مذبحة القضاء اللى عملها ناصر وده مش فساد ده قمة الفساد وكمان بيتكلم عى الديمقراطية ومجلس الشعب وازاى تم افساده ومحكاش لينا ان اللى قتل الديمقراطية فى مقتل كان ناصر لما لغى الاحزاب فى مصر وسوريا!! ولم يتكلم عن الوسطة والمحسوبية وكانت فى العهد الناصري الجميل ..

يكفى قراءة كتاب مذكرات نائب عام لنري كيف كان فعلا تم افساد المصريين .


فكان من الممكن الكاتب يتكلم بقليل من الحيادية ويقول كان فيه فساد فى عهد ناصر السادات وحسنى ومازال الفساد فى مصر حتى الان مش عشان ناصري ميقولش الحقيقة..
أو كان يسمى الكتاب الفساد فى عهد السادات ومبارك

السبب الثانى :
انه تكلم عن دعم المشتقات البترولية وجانبه التوفيق فى جزء ولم يجانبه فى جزء اخر ... طبعاً بطرس غالى الحرامى بيهرج أنه يحسب مثلا السولار الذي يتم تكريره فى المعامل المصرية من الخام المصرى واستخدمه فى السوق المحلى ويقارنه بالسعر العالمى ويقول ان الفرق يبقى دعم وده قمة الفساد ...

لكن الخطأ الذى وقع فيه الكاتب انه قال ان الدولة تشترى من حصة الشريك كمية قليلة وليس بالسعر العالمى وتستورد منتجات بترولية بكميات قليلةوبرده مش بالسعر العالمى والكلام فى العام المالى 2007/2006و 2008/2007وده مش صح طبعاً...

الدولة تقوم بشراء حوالى 90% من حصة الشريك فى الخام والغاز بالسعر العالمى وبستورد منتجات بترولية بكميات كبيرة خصوصا من السولار والبوتاجاز وطبعاً بالسعر العالمى عن طريق مناقصات والسعر يكون مرتبط بالاسعار العالمية فى النشرات العالمية فى
platts marketwire و platts marketscan

وطبعاً الفرق بين السعر العالمى اللي بستورد بيه والسعر اللى بيبتباع بيه المنتج فى السوق المحلى من اسعار بوتاجاز بنزين سولار بيبقى دعم تتحمله الهيئة المصرية العامة للبترول

وده ميمنعش طبعاً ان الكلام اللى قاله الكاتب عن الفساد فى عهد السادات ومبارك مهم جدا وقيم جداً