الزحف المقدس : مظاهرات التنحي وتشكل عبادة ناصر
كتاب يوصف ويبين كيف بدا ناصر الزحف المقدس وكيف هيأ الشعب لهذا الزحف الذى ادى الى خروج جموع من الشعب لتؤيد رئيس مهزوم وتمنعه من التنحى مع انه هو وعامر الفاسد سبب مباشر فى هذه الهزيمة ...احسن جزء فى الكتاب تحليله لخطاب التنحى وتفسيره ازاى عبد الناصر فى انتخابات 1956 جاب 99.9% وان فى خمسةالاف رفضوا ناصر ( وقام على امين صحفى السلطة قال انهم اغلبهم من الذين رفضوا ارسلوا ليه خطابات بيقولوا انهم مش رافضين ناصر بس كانون عايزين يجربوا حرية الاستفتاء ويطمنوا انهم فى تجربة ديمقراطية!!!! أيه ديمقراطية بعد لغى الاحزاب وعمل دستور على كيف ناصر واعتقال جميع المعارضين واعدام خميس والبقرى وعزل محمد نجيب وحبس يوسف صديق ونفى خالد محيى الدين وحبس ظباط المدفعية والفرسان ... اى شكل لللحياة الديمقراطية)
اما فى انتخابات 1958 بعد الوحدة فالنتيجة 99.99% يعنى 247رفضوا وفى انتخابات 1965 النتيجة 99.999% وبيقولوا فى 65 واحد رفضوا والصحافة بردوا بيقولوا انهم اكيد كان عندهم عمى الوان !!! انا بس اعرف ناس اكتر من 65 شخص كانوا عايشين فى 1965 وكانوا بيكرهوا ناصر عمى انا متهيالى لو كان استفتى على ناصر تانى كانت النتيجة هتبقى 103.999 % هيقولك اصله كان معاه تفوق رياضى)
