24 Following
amrhosny54943

amrhosny54943

Currently reading

صور من حياة الصحابة - المجلد الأول
عبد الرحمن رأفت الباشا

بيت الياسمين

بيت الياسمين - إبراهيم عبد المجيد اول مرة فى حياتى اقرأ رواية 160 صفحة وتبقى مملة وفى الاخر ورواية سيئة من جميع الاتجاهات
معلش الريفيو طويل شوية بس عشان محروق دمي من تضييع وقتى فى الرواية

اولا : هوا بيتكلم عن فترة السادات وارتفاع الاسعار ومعاهدة السلام والانفتاح والفتنة الطائفية متمثل فى موظف يأخذ فلوس عشان يطلع العمال الشركة لاستقبال السادات وضيوفه كل ده ماشى احنا كمان مضايقين من شروط معاهدة السلام وزيارة القدس لكن اللى حارق دمي ان اغلب الروائيين ناصريين قاعدين يعملوا روايات وينظروا عن سوء فترة السادات ومحدش بيعمل اى سطرين فى مقالة عن اى حاجة عن فترة الناصرية المتمثلة بالقمع والتزوير وانهاء الديمقراطية وتضليل اعلامى بحت وخسارة سيناء وحاجات تانية ...

يعنى لما بكتب فى الرواية على امن الدولة وان بطل الرواية الفاسد اتقبض عليه فى انتفاضة يناير زعلان قوى يعنى على القمع طيب مفيش حكاية واحدة تحكيها من اول البقرى وخميس واعدامهم لغايةاحداث كمشيش تجيبلنا سيرتها
طيب العمال بيطلعوا بفلوس ماشى معروفة متحكيش عن زعل عبد الناصر عشان عايز استقبال حافل لما رجع من باندونج طيب كلمنا عن الاتحاد الاشتراكى والتنظيم الطليعى ودورهم ...وحاجات تانية كتير لكن الناصريين شايفين حاجات فاسدة فى عهد السادات ماشى واحنا كما شايفين نفس الحاجات لكن سايبين انتهاكات وفساد فى عهد ناصر يتعمل منها اساطير مش رواية

ثانيا : كل شوية فى الرواية البطل يكلم نفسه ويسرح فيقول كلام اين ذهب والله وكيف اهدانا جنته فكيف تخلى عنا وبعدين يقول احمق انا يعنى تاب ولا مش مقتنع بالى بيقوله لنفسه... وشوية ازاى الله قاس على النساء اضعف مخلوقات الارض..
يعنى ده كلام قصده ولا عايز يقول ايه مش عارف
وشوية صاحبه يقول للبطل لازم تتجوز هتعمل مناضل لينين اتجوز وهنروح بعيد ليه عبد الناصر اتجوز والنبى محمد ضرب الرقم القياسي!!!
ايه الكلام ده هنهرج على الرسول حاجة قرف الصراحة

ثالثا: كل كام صفحة يحكى فى كام سطر حدوتة ولا طقطوقة مش فاهم ملهاش تلاتين لازمة ولا فاهمين عايز يقول ايه

كانت ممكن اديها نجمتين عشان مظاهر الفساد فى الحياة اللى قالها فى عهد السادات فعلا كانت موجودة لكن للاسباب الى ذكرتها اخرها نجمة وان مكنش صفر