الرئيس
انا مكملتش الرواية الصراحة وصلت للصفحة 200 ومقدرتش اكلمها
تقييمي القليل للرواية ليس لعيب فيها او اسلوب الكاتب مش حلو او فكرتها
المشكلة عندى انا
انا مش بحب اسلوب الرويات ده
الرواية عبارة عن جزء من سيرة الكاتب مع معلومات تاريخية فى الحوارات التى قام بها الكاتب مع ابطاله فى الرواية
وجزء من تاريخ ابن سينا
الكاتب محب عاشق للتاريخ
وده حاجة تحترم طبعا
وكمان بيحب الاماكن التاريخية جدا..فيشرح لك المكان فى الرواية ويوصفه عشان انتا كمان تعرف هوا حاسس اد ايه بالمكان ده..لكن اللى مش بيحب الاماكن التاريخية ولا يقدر يتخيل بها ان ورد جارية ابن سينا مرت من المكان ده ..اكيد مش هيبقا مستمتع بالرواية
لكن انا احب اقرأ التاريخ بردو بس مش متقطع اجزاء فى رواية
اقرأة اما كتاب به معلومات تاريخية واضحة وصريحة
او حتى رواية بس حاجة مثلا زى ليالي تركستان
هيا لو حد بيحب التاريخ بطريقة الكاتب هتعجبه جدا
لكن حد زيي مظنش..
عامل زي مثلا واحد بيحب السياسة او الكرة جدا او فيلم معين او اى حاجة وقاعد يقول شعر لصاحبه عن الحاجة ده
طبيعى صاحبة لو مش بيحب الحاجة الى بيتكلم فيها هيبقا زهقان
وانا الصراحة زهقت عشان كدا
لكن يحترم الكاتب لمجهودة فى الرواية والسعى وراء التاريخ بكل هذا المجهود
لأن من لا يعرف تاريخه لن يفهم حاضرة
