لا سكاكين في مطابخ هذه المدينة
أسوأ رواية قراتها فى حياتى
وصلت الى الصفحة 110 ومكملتهاش
أباحية وقذرة وممكن انتقدها واشتم فيها للصبح..
يعنى انا مش فاهم عايز ايه...يوصف القمع فى سوريا وسياسات حزب البعث ....طيب هوا اتكلم يدوب فى كام سطر على الاعتقال والقمع الباقى عبارة عن جنس واباحية مع وصفها بكل بجاحة ...
أخ شاذ ..قاعد يوصفلك ازاى بيحب الرجالة..وازاى ان حواليه كراهية ومنافقين وبيعملوا زيه وأوحش كمان .. وهوا يعنى الى بيقول الحقيقة انه شاذ..... وانه واحد كان بيغتصبه كل يوم فى السجن قبل ما يتوضأ ويصلى !!!!!
وكمان كان امام الناس فى صلاة الجمعه
اخت عاهرة بكل المقاييس....
خال يشتهى اخته ...خالة تتعري لأبن الجيران
يعنى العائلة من الجد للحفيد زبالة كلها
يعنى المفروض ان ده المجتمع السورى...استحالة لكن للأسف هوا جايب كل ابطال الرواية اما شاذ او سحاقية او عاهرة او عسكري قمعى او منافق للحزب...يبقى اغلب سوريا كدا يعنى...
طيب عايز يقول مثلا ان فساد الحزب والقمع ده تسبب فى حالة المجتمع ده...أبدا فالعائلة اباحية وقذرة من زمان من قبل القمع من ايام ما الاخ بيشتهى اخته وينظر اليها ..
طيب ايه...مش عارف
انا عايز اغير ريفيوهاتى الى كتبتها عن شيكاغو وعن موسم الهجرة الى الشمال...ده تعتبر روايات محترمة وممكن اعتبرها كتب تنمية بشرية بالنسبة للرواية القذرة ده وده اقل وصف ممكن اصفه للرواية ده....
للأسف كنت عايز اقرا رواية عن سوريا وتاريخ عائلة عاشت فى ايام حافظ الأسد السودا لكن الرواية تتكلم عن شعب اخر
