24 Following
amrhosny54943

amrhosny54943

Currently reading

صور من حياة الصحابة - المجلد الأول
عبد الرحمن رأفت الباشا

إغراء السلطة المطلقة

إغراء السلطة المطلقة - بسمة عبد العزيز, سلامة أحمد سلامة
دراسة مفيدة تبحث تطور علاقة الشرطة بالمواطن العادى

لكن عندي شوية تعليقات مش عاجبنى فى الكتاب من وجهة نظري وده طبعا مينفيش المجهود المبذول فى الكتاب وأهميته

أولا : الدكتورة بسمة كانت عايزة تفصل المواطن السياسى عن المواطن العادي المهمش الى ملوش فى السياسة وازاى علاقتته اتأثرت بالشرطة واصبح يخاف يخش حتى قسم , فعشان كدا فى فترة ناصر قالت الصراحة انه عذب شيوعيون واخوان ومارس العنف ضد المواطن السياسى لكن مجبتش اي تفصيل عشان مش محل الدراسة : ماشى كلام سليم لكن :

1- فى عصر مبارك اتكلمت ان فيه مواطنين عاديين اتبهدلوا مثلا اقارب المتهمين يعنى تهديد المتهم بايذاء زوجته او ابنائه , وهل ده محصلش ايام ناصر انا بردو مش هتكلم على المتهم السياسى انا بتكلم على عائلته وعلى زوجاتهم وعلى معارفه انشا الله حتى الفكهانى الى تحت بيتهم دولا مواطنين عاديين اتبهدلوا عشان سلموا مرة على واحد متهم زور انه سياسى وهوا اصلا ممكن اصلا ملوش فى سياسة بس طلع سلم على حد بردو.

2- فى فترة مبارك اتكلمت على احداث الكشح وبنى مزار وكذا واقعة , طيب فى فترة ناصر فين احداث كمشيش من الكتاب وده احداث ملهاش اى علاقة بسياسة كونهم قالوا ان الى مات اتحاد اشتراكى وعائلة الفقى الاقطاعى قتلواه , ده مينفيش ان مواطنين عاديين اتعذبوا واتأذوا, لدرجة ان عبد الناصر اصدر قرار مضمونه القبض على محمد واخرون , اخرون دولا كام يعنى محدش عارف.

3- فى فترة ناصر قالت ان عدد اوامر الاعتقال اربعة عشرة الف فى 18 سنة اما ايام السادات فى 11 سنة كان فيه اوامر اعتقال اكتر , طيب محروق عبد الناصر على السادات , لكن عبد الناصر فى يوم بس قبض على 14 ولا مش عارف كام الف اخوانى , ده فى يوم والله اعلم كام الف واحد تانى اتقبض عليه, ده غير قراره العبقرى بتاع محمد واخرون فأكيد عبد الناصر اعتقل ايامه اكتر بكتير .

4- فى فترة مبارك جايبة تعامل الشرطة مع بعض الاحداث السياسية زي ستة ابريل والانتخابات وتعديل الدستور ولأول مرة الاستعانة بالبلطجية طيب فى فترة ناصر كانت مليانة عنف ضد المواقف السياسية , اه ممكن بيعملها الجيش بس مش فارقة مهو نفس سياسة الشرطة وبعدين مين الى استعان بناس لضرب السنهوري رئيس مجلس الدولة, مين الى دفع لصاوي لعمل مظاهرات . يعنى احداث سياسية ممكن كنا نجيب اى جزء منها

انا عارف انها اهتمت بالحال الى موجودة فى مصر ساعتها بدليل انها مكتبتش كتير بردو عن فترة السادات ولا مثلا عن حادثة مهمة زي تعامل الشرطة معا احداث 18 و 19 يناير , لكن قصدى ان فترة ناصر مهمة وأسست لدولة القمع وتعذيب المواطن السياسى واهله اكيد كان سبب فى الزيادة بعد كدا وضرب اى مواطن عادى فى الشارع , كان نفسي تزود شوية كلام بس على فترة ناصر لأهميتها .

ثانياً : نقلت جزء من كلام للمفكر هادى العلوى الشيوعي من كتابه تاريخ التعذيب وفيها قال ان ابن تيمية اجاز ضرب المتهم وجلده ليعترف , الفتوي فيها تفصيل كامل ومش بالمعنى ده , كنت عايز بس تقول ان قوله مش كدا او ان فيه تفصيل للفتوي لكن الى يقرأ كدا هقول انه فعلا فيه فتوي ومش من اى حد ده من الامام ابن تيمية بضرب اى مسجون وجلده كمان عشان يعترف وده محتاج توضيح ميتقالش فى سطر.

لكن كتاب جيد ومهم وانصح به