تغريدة البجعة
رواية سيئة جدا اولا مملة وثانياً الرواية بتحكى عن مصطفى حياته أغلبها جنس ومخدرات وخمرا وشوية احداث بسيطة من ضمنها اطفال الشوارع لكن اغلب الرواية حشو كلام وتدور ان مصطفى حب واحدة اسمها هند وماتت وبعدين تلاقيه شوية مع زينب وشوية مع مارشا وشوية مع ساقطات شوية مع ياسمين الى فاكر ان روح هند نزلت فيها , ونهايتها أسوأ من الرواية نفسها.
مش عايز اتكلم عن الرواية اكتر من كدا لأن فعلا سيئة ومفيش احداث فيها لكن عايز اتكلم عن كره الكاتب الواضح للشكل الاسلامى المتمثل فى اللحية والنقاب
اول الرواية جابلك واحد ملتحى ومراته منقبه ابوه كان شغال فى الوسط الفنى بهدلوا الرجل ودخل العناية بسببهم مرتين وكانوا سبب فى موته
قلت عادى ماهو لازم اى كاتب يجبب واحد ملتحى ويشتم فيه ده تيمة اساسية فى المسلسلات والافلام والروايات
شوية صاحب البطل مصطفى اسمه احمد الحلو المهندس اللى كان ماركسي وثوري سافر السعودية رجع ملتحى واستقال من شركة البترول الى شغال فيها وبيبيع بسبوسة دلوقتى , ومراته اتنقبت
قام ابو احمد كلم مصطفى عشان يجي ينصح احمد , مصطفى عمره ما نصح احمد ولا أبو احمد نصحه حتى ايام الشيوعية والساقطات والخمرا والمخدرات لكن دلوقتى بينصحه
مصطفى اول ما دخل عليه قال ان الملتحين دائما شكلهم اقوياء مش عارف بيأكلهم ايه فى التنظيمات بتاعتهم ده !!!! , وابتسامتهم مصطنعة , منافقين يعنى
المهم احمد رد وقال انتوا كفااااااااار حكومة كاااااااافرة , جاهليتكم , فلوس الحكومة والشغل حراااااام, وشوية بنته اربع سنين , مش 12 او 13 سنة مثلا لأ اربع سنين لابسه اسدال ودخلت عليهم, أول ما البنت الصغيرة دخلت ابوها قالها أين الله يا فاطمة؟ البنت خافت أبوها مصرخ أين الله يا فاااااطمة ؟ البنت اترعبت وجريت , ومصطفى قال ابوها مش عايزها تكلم رجالة.
يعنى مش عارف بيجيب ام الكلام ده منين هوا لازم اى حد يلتحى يبقا ازبل شخصية فى الرواية ولازم يكفر الناس كلها ولازم يبقا فى تنظيم ولازم يبقا منافق مفيش مرة يجيبوا واحد يكون معتدل وكويس , كأننا مش شاغلين فى حكومة وشايفين الملتحين دولا شغالين معانا
تانى موقف مصطفى واحد صاحبه اسمه ويليام اتكلم من موبايله فالنمرة اتكلمت وطلعت واحدة ست أرملة ومخلفة تلات عيال المهم فى تلات دقائق مصصفى اتفق معاها تيجي الشقة بكرة..
فتح الباب لقاها واحدة منقبة , قلت هتقول انها مش منقبة بس لابسة نقاب عشان تعرف تطلع العمارة مثلا , لأ هيا اصلا منقبة, شوية ومارس الجنس معها , بعد ما خلصت معاه بذمتكوا قالت ليه ايه
اولا سألت على مصلية عشان تصلى
!!!!!!!!!!!!!!!!!!!!!
تانى حاجة قالت ليه اوعى تكون قبطى احسن حرام لو عملت معاك حاجة وانتا قبطى
قالها يا بنت الكدابة انا عارفك من واحد قبطي
قالت له لأ ما هو مخلتهوش يلمسنى بعد ما عرفت انه قبطي, قبل كدا كان عادى وحلال
اييييييييييييييييييييه فين دا واحدة اقل من الساقطة مخدتش فلوس حتى مقابل ما فعلته مع مصطفى وتقوله عايزه اصلى بعد الزنا وكمان حرام زنا مع القبطي.. جايب ام الكلام ده من انهى مكان مش عارف
اخر موقف عايز اقوله صاحب مصطفى اسمه عصام هيتجوز واحدة بوذية قام مصطفى قاله عشان هو كاره البنت بس مش عشان حاجة
مصطفى : هتتجوز مشركة
عصام : انتا بتتكلم جد, احسنلك تروح السعودية وتأكل القرود بقسماط
مصطفى : ابتسم ..ما هو طبعا كان بيهرج
ولا كأن ده قرآن او كلام ربنا ان حرام المسلم يتجوز حد مش اهل كتاب
وكل شوية المجتمع بقا شاذ من المينى جيب والكات للخيمة السوداء ,, الشارع بتاعنا كان اسمه توت عنخ امون يا خسارة دلوقتى اسمه خاتم المرسلين..
الغريب ان اغلب الرواية الابطال التلاتة عملوا كل حاجة حرام, مفيش مرة قالوا على لسانه ان ده غلط او اى حاجة , لكن على الملتحى راح ينصحه
طبعا الرواية مش اغلبها كلام على الملتحين والمنقبات هيا جزء من الرواية بس انا حبيت اتكلم عنه
واخر جزء فى الرواية نوعا ما كويس عن حرب لبنان والمظاهرات فى مصر ممكن نجمتين
لكن المجمل رواية سيئة
