24 Following
amrhosny54943

amrhosny54943

Currently reading

صور من حياة الصحابة - المجلد الأول
عبد الرحمن رأفت الباشا

زمن الغم الجميل: يوميات مواطن مصري قبل الثورة

زمن الغم الجميل: يوميات مواطن مصري قبل الثورة - عمر طاهر
الصراحة انا كرهت عمر طاهر بعد الكتاب ده ..

اولا الكتاب تجميع لمقالات قديمة قبل الثورة واغلب المقالات معجبتنيش اللى عجبنى فى الكتاب يدوب المقدمة والباقى اى كلام .

ثانيا:

زمان كنت ساعات اقرأ لعمر طاهر قبل الثورة وكان بيضحكنى الصراحة وكانت اغلب مقالاته عن الكرة الغناء عن البرنس والسينما ومحود ياسين وملوش مقالات كتير فى السياسة , عموما ً اصلا انا من فترة مبقرأش جرائد ولا باتفرج على الزفت التلفزيون عشان ام الكذب بتاع الاعلام فا مش ناقصة حرقة دم , وطبيعى مكنتش بقرأ مقالات عمر طاهر فى التحرير , لكن عارف انه أكيد مبينتقدتش الوضع الحالى ولو كتب هيقول حاجات بسيطة لأنه لو عمل نقد جامد كان هيتعرف ويتوقف ولأن اغلب الناس دلوقتى خايفة ومحدش بيتكلم

وعلى فكرة انا عمرى ما قللت من احترام حد خايف عشان مبقاش انا قاعد مدفى تحت اللحاف ووسط عائلتي وعايز غيري يثور وينتقد ويتسجن ولو متكلمش اشتمه, لكن باشتم واللعن واسب للمنافق الى يطبل للسلطة .

المهم الحاج عمر طاهر لقيته فى الكتاب جايب سيرة البراعى فى كام حتة وعلى فكرة انا مبطقش البرادعى ولا اى نخب سياسية ولا احزاب تانية كلهم كرهتهم والحمد الله

نرجع لعمر طاهر , بيقول ان البرادعى عاش فى مصر خمس سنين بس من سنة 1964 وانه ميعرفش حاجة عن معاناة الفقراء , ميعرفش تمن رغيف العيش وتمن تذكرة المترو, ايه الكلام الغريب ده, ايه الفرق بينه وبين كلام توفيق عكاشة لما قال يا براااااادعي انت عارف ثمن حزمة الجرجير كام , ناقص كان يقول ان البرادعى بنته لابسه مايوه ومتجوزة مسيحي وبيشرب خمرا , بذمتكوا مش ده كان نقد الاهرام ومنافقين الحكومة للبرادعى ساعتها .

انا نفسي كنت بحب البرادعى جدا قبل الثورة واضايقت منه قبل الثورة لما كنا معلقين عليه امل كبير وهو كل شوية يمشي ويقولك اصلى باروج للكتاب بتاعى , ممكن انتقده فى ده او حاجة عدلة تانية لكن مش عارف تمن تذكرة المترو يبقا اى كلام الصراحة .

وبعدين يقولك كلام اغرب من الاول عشان يبرر ليه البرادعى مش نافع لرئاسة مصر يقولك ان عبد الناصر عشان كان ابن بوسطجى وفقير فعرف معنى الفقر وتواصل مع الشعب بصدر مفتوح!!!!!!!


يا عم قصدك سجن مفتوح معتقل مفتوح , يا عم قصدك هو اللى علم الفقير انى هديك يدوب اكلك انت وعيالك لكن لو اتكلمت كلمة غلط هديك بالجزمة انت وامك وعائلتك كلها

وبعدين يقولك ان السادات كان مقاول انفار وسواق ومش عارف ايه فبرده حس يا عيني بالفقير وفهم خريطة الشعب الاجتماعية والنفسية !!!!!

يا راجل قصدك مين السادات بتاع انتفاضة الحرامية الى فشخ الاقتصاد وخلانا بلد تابعة وكلب لأمريكا


خلصنا من الكلام على البرادعي نيجي على فلسطين :

عمر طاهر بيقول انه مبسوط من قرار ترحيل البريطانى جورج غالاوي من مصر , وانه بيساعد الفلسطينين عشان يبنى المجد على قفانا , وان قافلة المساعدات الى الرجل اتى بها لمساعدة الفلسطينين فى حصار غزة جابت الفوضى لمصر, وان عمر طاهر مبسوط من الامن المصري اللى حدد مسار للقافلة عطل فيها ام المساعدات للفلسطينيين عشان عم عمر طاهر بيقولك ان مصر صاحبة البيت وده من حقها .


يعنى مبسوط من ترحيل البريطانى الى جاى يساعد الفلسطينيين اللى بيموتوا عشان مصر واسرائيل محاصرين اهلها وكمان تقولى مبسوط ان مصر قعدت ترخم فى المسار بتاع القافلة عشان تأخر المساعدات وانت مبسوط وتقول حقها .

وفى مكان تانى يقولك ان مصر كل ما تكسب بطولة كأسس أمم يحصل مصيبة فى 2006 العبارة وموت الف مصري وفى 2008 اقتحام الفلسطينين رفح .


يعنى مصيبة العبارة بقت زي مصيبة دخول الفلسطيننين رفح ماهو بسبب ام الحصار الى مصر مشاركة فيه ولا يموتوا عشان حضرتك متحسش بأم الفوضي ولا بأى قلق .

وبقية المقالات فيها شوية حاجات تحرق الدم بردو

- ان عمر طاهر تعاطف مع علاء مبارك اكتر من جمال لما شافه فى ماتش ماسر

محروقين هما الاتنيين ان شاء الله مع ابوهم وأمهم وجوز خالتهم

- بيقولك ان حسنى مبارك عيان وأنه بيدعى ليه بالشفاء زي ما بيدعى لأى حد بالشفاء

يا عم يارب يموت من العيا ميت مرة مش مرة واحدة ده احنا كلنا عيانيين بسببه وهو الوحيد الى صحته زي الطور


بس بعد حرقة الدم بتاعة الكتاب قلت لأ بقا مابديهاش اقرأ لعم عمر طاهر المقالات الجديدة فى جريدة التحرير برئاسة عم ابراهيم عيسي الى طلع ميفرقش عن اى اعلامي منافق.
.
مقالات ملهاش تلاتين لازمة بردو نقد بسيط اوي للوضع الحالى وعامل مقال قاعد بيشكر قوي فى عطية ولا عدلى منصور , ويقولك حمدين مناضل وكان لازم ينزل الانتخابات عشان ده معركة لازم يخوضها وانه عمره ما كان طمعان فى المناصب فاتحرق دمى اكتر وقفلت